Usmon Dembele 5 haftaga safdan chiqdi

"Barselona" hujumchisi Usmon Dembele Ispaniya chempionatining 1-turi doirasida bo'lib o'tgan "Atletik"ga qarshi o'yinda jarohat oldi.

"Ko'k-anorranglilar" rasmiy sayti tarqatgan xabarga ko'ra, frantsiyalik futbolchining chap oyog'idagi mushagi jarohatlangan. Uning tiklanishi uchun 5 hafta vaqt talab etiladi. Shu tariqa, Dembele "Betis", "Osasuna", "Valensiya", "Granada" va "Vilyarreal"ga qarshi o'yinlarda ishtirok eta olmaydi.

Eslatib o'tamiz, shuningdek, 1-tur bahsida kataloniyaliklarning yana bir hujumchisi Luis Suares ham jarohat olgan edi. Avvalroq jarohatlangan Lionel Messi mashg'ulotlarga qaytdi.