«Atletiko» Grizmann bo'yicha «Barselona» ustidan yo'llagan shikoyatini qaytarib oldi

«Atletiko» klubi hujumchi Antuan Grizmanning «Barselona»ga o'tishi yuzasida Ispaniya qirollik futbol federatsiyasiga shikoyat kiritgan edi.

Xabaringiz bor, "ko'k-anorranglilar" frantsiyalik hujumchining tovon puli 120 million evroga tushadigan sana — 1 iyulni kutib, so'ngra uni sotib olishdi. "Matraschilar"ning iddaosiga ko'ra esa, "Barsa" Grizmann bilan mart oyida dastlabki shartnomani imzolagan. U paytda esa Antuanning tovon puli 200 million evroga teng bo'lgan. Shu bois, "Atletiko" kataloniyaliklardan yana 80 million evro talab qilayotgan edi.

Sport.es tarqatgan xabarga ko'ra, madridliklar mazkur shikoyatni qaytarib olgan. Manbada nima uchun shikoyat qaytarib olingani sababi aytilmagan.