«Oltin to'p» da'vogarlarining fikricha bu sovringa kim haqli?

Yaqindagina «Dazin» nashri futbolchilar o'rtasidagi eng nufuzli sovrin sanaladigan «Oltin to'p» uchun da'vogar bo'lgan futbolchilar bilan intervyu tashkillashtirdi. Eng qizig'I shundaki, ushbu nashr jurnalistlari Messi, Ronaldu va Virjildan o'zlarini inobatga olmagan holda kim bu mukofotga loyiq deb savol berishdi. Bugun «Dazin» va «Fut Bazza» nashrlari tomonidan e'lon qilingan intervyularni e'tiboringizga taqdim etamiz.

Virjil van Deyk

Anchadan beri «Oltin to'p»ni himoyachilar olishmayapti. Haligacha insonlarning nazlida bu sovringa Ronaldu va Messidan haqliroq futbolchi yo'qdek tuyuladi. Bu tabiiy xol. Ularning futbol rivoji uchun qo'shgan xissalari juda ulkan.

Terma jamoa va «Liverpul» safidagi omadli mavsumdan so'ng, jurnalistlar aynan meni «oltin to'p» uchun asosiy da'vogar deb atay boshlashdi. Men bunday e'tirof uchun bag'oyatda xursandman. Shunday bo'lsada, Messi bu sovringa hammadan ko'ra ko'proq haqlidek ko'rinmoqda. U dunyoning eng kuchli futbolchisi ekanligiga hech kimda shubha yo'q. Shaxsan men bu sovrin haqida o'rtiqcha hayol surmayapman, lekin bu sovrin menga topshirilsa, jon deb qabul qilaman. Messi uchun qanday mavsum o'tgan bo'lsada, u sovringa hammadan ko'ra loyiqroq. Uning EChL g'olibi bo'lmagani hech narsani o'zgartirmaydi.

Leo Messi

«Oltin to'p» haqida so'zlashdan hech qanday foyda yo'q. bu sovrin men uchun jamoam bilan erishgan yutuqlarim singari qadrli emas. Hech qachon mavsum boshida oldimga «oltin to'p»ni qo'lga kiritish maqsadini qo'ymaganman va shu o'rinda aytib o'tish joizki, «Barselona» safida to'p surish imkoni borligidan mamnunman. To'g'ri, so'nggi mavsumlardagi omadsizliklardan so'ng biroz kayfiyatim tushib ketdi. Boz ustiga «La Liga» o'zining obro'sini yo'qotib qo'ydi. Bundan 5 yil ilgari ham bu chempionatga bo'lga e'tibor o'zgacha edi. Bu noto'gri. Yana hammasini o'z o'rniga qaytarish uchun biz EChLda g'olib bo'lishimiz lozim. Aynan shunday g'alabalardan so'ng, muxlislar bizga bo'lgan munosabati o'zgarishi mumkin. Hozirda faqat EChL g'olibligi borasida bosh qotiryapman. O'ylashimcha Van Deyk ajoyib mavsumni o'tkazdi va «Liverpul»ning g'alabalarida eng muhim rolni ijro etdi. Uning bu sovrinni qo'lga kiritishga haqqi bor. Agar shunday bo'lsa, Virjil bunga munosib ekanligi yana bir bor o'z isbotini topadi.

Ronaldu

Men 3 ta sovrinni qo'lga kiritdim va har doimgidek yuqori darajadagi futbolni namoyish etdim. O'z karieram davomida birorta mavsumda kuchsizroq ko'ringanimni eslay olmayman. Yakunlangan mavsum ham bundan mustasno emas. 16 yillik faoliyatim mobaynida men ko'p narsaga qodir ekanligimni isbotlab bo'ldim. bu sovringa loyiq ekanligimga shubham yo'q. agarda bu mavsumda uni menga topshirilmasa, unda hech kimga topshirilmagni ma'qul. Ana shundagina hammasi adolatli yakun topgan bo'ladi.