PSJ Dibala uchun 80 million evro to'lashga tayyor

PSJ “Yuventus” hujumchisi Paulo Dibala transferi borasida ishlamoqda. Bu haqida Daily Mail nashri xabar tarqatdi.

Manbaning xabariga ko'ra, parijliklar argentinalik yulduz uchun 80 million evro to'lashga tayyor.

Avvalroq, parijliklar 25 yoshli futbolchi uchun 5 yillik shartnoma va yiliga 12 million evro maosh taklif qilgan edi.

Eslatib o'tamiz, Dibala o'tgan mavsum 42ta o'yinda maydonga tushib, 10ta gol urgan hamda 5ta golga assistentlik qilgan.