Super Mario bugun «Breshia» bilan shartnoma imzolaydi

Jurnalist Janluka Di Martsio sayti tarqatgan xabarga ko'ra, hujumchi Mario Balotelli yaqin soatlarda "Breshia" futbolchisiga aylanadi.

29 yoshli italiyalik futbolchi 3 million evrolik maosh bilan 3 yillik shartnomaga imzo chekadi.

Shartnomada "Breshia" "A" Seriyadan tushib ketadigan bo'lsa, klubni tark etish imkoniyati ko'rsatiladi.

Ma'lumot uchun so'nggi olti oy ichida Balotelli "Marsel" sharafini himoya qildi, va 15 ta o'yinda 8 ta gol urishga erishdi.