Lukaku ortiqcha vaznga ega: u 100 kilodan og'ir

«Inter» klubining yangi futbolchisi Romelu A seriyaning 1-turi doirasida 26 avgust kuni bo'ladigan «Lechche»ga qarshi o'yinda maydonga tushmasligi mumkin.

8 avgust kuni "neradzurri" safiga qo'shilgan belgiyalik futbolchi ortiqcha vazn bilan etib kelgan. Bo'yi 190 sm. bo'lgan futbolchining ayni paytdagi vazni 104 kiloni tashkil qilmoqda. Murabbiylar shtabi esa uning vazni 100 kg.dan kam bo'lishini istamoqda.

Yuzaga kelgan vaziyat tufayli Lukaku mazkur dam olish kunlari qo'shimcha mashg'ulotda ishtirok etadi. Shuningdek, u kuchli dietaga amal qilmoqda.

«Inter» Lukakuni 65 million evro evaziga «MYu»dan sotib olib, o'z tarixida rekord transferni amalga oshirgan edi.