Jerar Pike: «Mavsum oxirida yutqazgandan hozir mag'lub bo'lgan yaxshi»

«Barselona» himoyachisi Jerar Pike «Atletik»ga qarshi bo'lib o'tgan o'yin (0:1) borasida o'z fikrlarini bildirib o'tdi.

«Bu stadionda o'ynash hamisha qiyin bo'lgan. Raqib bahs boshidan kuchli pressing qo'lladi. Ular jismoniy jihatdan bizga nisbatan yaxshiroq tayyorgarlikka ega. Ikkinchi bo'limda esa ular charchab qolishdi.

G'alaba yoki mag'lubiyat — bu mayda jihatlar mahsuli. Mavsum oxirida yutqazgandan ko'ra hozir mag'lub bo'lgan yaxshiroq.

Mag'lubiyat sabablari? Mavsumoldi tayyorgarligini endi yakunladik, safimizda yangi futbolchilar bor... Ba'zida o'yinga tayyorgarlik ko'rasan, ammo hammasi kutganingdek bo'lmaydi», – dedi Pike.