«Monako» «Inter» etakchisi uchun yiliga 7 million evro to'lashga tayyor

"Monako" "Inter" hujumchisi Mauro Ikardi bilan muzokara olib bormoqda.

Soccer Link xabariga ko'ra, "Monako" 26 yoshli argentinalik futbolchiga yiliga 7 million evro maosh bilan uzoq muddatli shartnomani taklif qilishga tayyor.

Ma'lumot uchun, o'tgan mavsumda Ikardi "Inter" safida 37 uchrashuv o'tkazib, 17 ta gol urdi va 5 ta gollik uzatma amalga oshirdi.

Eslatib o'tamiz, hujumchining "Inter" bilan shartnomasi 2021 yil 30 iyunigacha amal qiladi.