«PSJ» Neymarni mashg'ulotlardan chetlatdi

«PSJ» hujumchisi Neymar jamoaning umumiy mashg'ulotlaridan chetlatildi. Bu haqda Braziliyaning Esporte Interativo telekanali xabar tarqatdi.

27 yoshli futbolchi o'z kelajagini hal qilib olmaguncha alohida shug'ullanadi. Diario Sport nashri tarqatgan xabarga ko'ra, «PCJ» rahbariyati Neymarning jamoani tark etishini his qilib turibdi. Faqat bitta savol qoldi, u qaysi jamoaga o'tadi – «Barselona» yoki «Real»?

Frantsiya chempionatining 1-turi doirasida bo'lib o'tgan «Nim»ga qarshi o'yinda Neymar «PSJ» qaydnomasiga kiritilmagan edi.