Karpin: «Shomurodov Evropaga yo'l olgani yaxshiroq»

«Rostov» bosh murabbiyi Valeriy Karpin jamoa hujumchisi Eldor Shomurodov haqida o'z fikrlarni bildirib o'tdi.

– Hozirgi paytda matbuotda Shomurodov haqida iliq fikrlar yozilmoqda. Bunday maqtovlar tufayli futbolchi o'zidan ketib qolmayaptimi?

–Hozircha yo'q. Eldor – juda kamtar, aqlli va vaziyatni yaxshi anglaydigan yigit. Bo'layotgan gap-so'zlarni to'g'ri qabul qilmoqda.

– Unga TsSKAdan taklif bo'lgani rostmi?

– Bu menga beriladigan savol emas. Bilmadim, klub kimga taklif yubordi. Bu haqda men hech narsa bilmayman.

– Siz uchun hujumchining taqdiri qiziqmi? U Rossiya grandlariga o'tgani yaxshimi yoki Evropaga yo'l olgani?

– Menga qolsa, uning «Rostov»da o'ynagani yaxshi. Keyinchalik taklif tushsa, G'arbga yo'l olgani ma'qul. Rossiya klubiga o'tganda nima naf? Albatta, Evropaning grand jamoasiga o'tish oson ish emas. Lekin avval kamtarroq jamoadan boshlab, keyinchalik yuqoriga ko'tarilishga harakat qilish mumkin.