FIFA «Manchester Siti»ga nisbatan jazo chorasini e'lon qildi

«Manchester Siti» klubi 18 yoshga to'lmagan xorijlik futbolchilar shartnoma imzolagani bilan bog'liq qoidabuzarlik qayd etilgan edi. Mazkur ish bo'yicha FIFA tartib-intizom qo'mitasi o'z qarorini e'lon qildi.

"Shaharliklar" o'z aybini tan olganini inobatga olib, klub 370 ming Shveytsariya franki (315 ming funt sterling) miqdorida jarimaga tortildi. Shu tariqa, "Siti"ga nisbatan yangi futbolchilarni ro'yxatdan o'tkazish taqiqi qo'yilmaydigan bo'ldi.

Avvalroq FIFA shunday qoidabuzarlik tufayli «Chelsi», «Real», «Barselona» va «Atletiko»ni jazolagan edi.