«Atletik» o'z etakchisi bilan shartnomani 9 yilga uzaytirdi

«Atletik» hujumchisi Inyaki Uilyams jamoa bilan yangi shartnomaga imzo chekdi. Yangi shartnoma 9 yilga mo'ljallangan bo'lib, unga ko'ra futbolchi 2028 yilga qadar Bilbaoda qoladi.

Ispaniyalik futbolchining tovon puli 135 million evroga ko'tarilib qo'yildi.

Uilyams yozda «Manchester Yunayted»ga o'tishi mumkin edi. El Chiringuito tarqatgan xabarga ko'ra, mankunianliklar hujumchi uchun 88 million evro taklif qilishdi.

Uilyams Ispaniya La ligasining yakunlangan mavsumida 38ta o'yinda maydonga tushib, 13ta gol urdi va 5ta golga uzatma berdi. Uilyams Bilbaoda tug'ilgan bo'lib, 2015 yildan beri basklar sharafini himoya qilib keladi.