Aleksandr Xomyakov: «Asosiy e'tiborni himoyaga qaratib, raqibni qarshi hujumda jazolashni maqsad qilgandik»

"Metallurg" - "Andijon" o'yinidan keyin har ikkala jamoa bosh murabbiylarining o'yin haqidagi fikrlarini so'radik. Dastavval mehmonlar ustozi Aleksandr Xomyakov savollarimizga javob qaytardi.

— Albatta, shubhasiz xursandman. Kiritilgan g'alaba uchun o'z shogirdlarimga minnatdorchiligimni bildiraman. Safarda ham g'alaba qozona olishimizni amalda isbotlaganlari uchun, irodalarini ishga solishgani uchun ularga rahmat aytmoqchiman. Ular ko'rsatgan ko'rsatmalarimni bajara olishdi. Raqibning zaif nuqtasini topa oldik. Raqib bir kishi kam bo'lib qolgani uchun, qolaversa, o'z maydonida mag'lub bo'layotganligi uchun bor e'tiborini hujumga qaratdi. Biz himoyaga urg'u berib, qarshi hujumda raqibni jazolashni kutdik. Maqsadimizga erishdik. Muxlislarga alohida rahmat aytishim kerak, olis yo'l bo'lsa ham bizni qo'llab-quvvatlash uchun tashrif buyurganlariga. Keyingi o'yinga tayyorgarlikni boshlaymiz.

— Garchi "Metallurg" bir kishi kam harakat qilgan bo'lsa-da, shogirdlaringizni o'yin vaqtini atayin cho'zgandek tuyuldi. Bu haqda nima deysiz?

— Siz haqsiz. Futbolchilar jismonan toliqib qolishmoqda. Sababi, taqvimning tig'izligi. Asosiy urg'uni futbolchilarni tiklanish jarayoniga qaratyapmiz. Shu sababli, futbolchilarni mushaklari tortib qolmoqda. Qaytarib aytaman, hozir o'yin sifatidan ko'ra bizga ko'proq g'alaba kerak. Vaziyatimiz shunaqa.