Maurisio Sarri: «Yuventus» 6 nafar futbolchini sotishi lozim»

"Yuventus" bosh murabbiyi Mauritsio Sarri jamoa hujumchisi Paulo Dibalaning kelajagi borasida o'z fikrlarini bildirib o'tdi.

"Dibala endi ikkita mashg'ulotda ishtirok etdi. Shu bois, u haqida nimadir gapirishga hali erta. Tabiiyki, u hali yaxshi formaga kirmagan. Bu narsa uning "aldamchi to'qqizinchi raqamli futbolchi" vazifasini bajarishiga xalal bermoqda. Bu masalada men hech narsani hal qilmayman. Biz 6 nafar futbolchini sotishimiz kerak. Bor gap shu.

Men barcha futbolchilarni saqlab qolishni istardim. Ammo muammo shundaki, safimizda klub tarbiyalanuvchilari ko'p emas — bor-yo'g'i bir nafar. Shu bois, Chempionlar ligasiga 3 nafar darvozabonni qo'shib hisoblaganda 22 nafar futbolchini ro'yxatdan o'tkazishimiz mumkin.

Transfer muddati yopilgunga qadar bizni qiyin bo'lgan 20 kun kutib turibdi. Bu vaqt davomida top-futbolchilarimizdan ayrilishimiz mumkin", - dedi Sarri Football Italia nashriga bergan intervyusida.