Pirlo ishidan iste'foga chiqarilishi mumkin

Genuyaning "Sampdoriya" klubi bosh murabbiy Andrea Pirloni iste'foga chiqarmoqchi, bu haqda Calciomercato jurnalistlari xabar bermoqda.

Amaldagi murabbiydan ajralgan taqdirda, Filippo Indzagi jamoa boshqaruvchisi bo'lishi mumkin. Pirlo B seriyadagi omadsiz start tufayli istefoga chiqarilishi arafasida. O'tkazilgan ettita o'yindan so'ng "Sampdoriya" bor-yo'g'i 5 ochko jamg'arib, turnir jadvalida 16-pog'onada bormoqda.

Genuyaliklar navbatdagi o'yinni o'z stadionida "Katanzaro"ga qarshi o'tkazadi.