Xanchjou-2022, shaxmat: Jamoaviy bahslarga qur'a tashlandi: raqiblarimiz aniq

Xanchjou Osiyo o'yinlarida bugundan shaxmat bo'yicha erkaklar va ayollar o'rtasida jamoaviy bahslar boshlanadi.

O'zbekiston erkaklar terma jamoasi 1-turda Qirg'izistonga qarshi dona suradigan bo'ldi.

O'zbekiston ayollar terma jamoasi esa ilk uchrashuvda mezbon Xitoy bilan to'qnash keladi.

Erkaklar turnirida 13, ayollar musobaqasida esa 12 jamoa g'oliblik uchun kurash olib boradi. O'yinlar klassik uslubda o'tkaziladi. Keyingi juftliklar shveytsarcha tizim yordamida aniqlanadi.

Turnirda jami 9ta tur o'ynaladi. Eng ko'p ochko to'plagan jamoalar g'oliblikni qo'lga kiritadi. Uchrashuvlar har kuni Toshkent vaqti bilan 12:00da boshlanadi.