«Chelsi» himoyachisi nomaqbul xatti-harakatlari uchun ayblanmoqda

Angliya futbol associatsiyasi «Chelsi» himoyachisi Ris Jeymsni aybladi.

Futbolchi o'yin rasmiysiga nisbatan qo'pol muomala va nomaqbul xatti-harakatlar qilganlikda ayblanmoqda.

Voqea «Aston Villa»ga qarshi o'yindan so'ng («Chelsi» 0:1 hisobida mag'lub bo'lgan) tribunada yuz berdi.

«Chelsi» sardori Ris Jeyms 29 sentyabrgacha ayblovlarga javob berishi kerak.

Aytish joizki, Ris Jeyms «Aston Villa»ga qarshi maydonga tushmadi – «Chelsi» himoyachisi jarohatidan tiklanishda davom etmoqda.

Jeyms turli turnirlarda «aristokratlar»ning ettita o'yinini o'tkazib yuborgan.