Lukaku «Manchester Yunayted»ga boykot e'lon qildimi?

"Manchester Yunayted" hujumchisi Romelu Lukaku "Anderlext" safida shug'ullanmoqda. Bu haqda Sport Mediaset xabar tarqatdi.

Ma'lum bo'lishicha, futbolchi bir necha kundan beri Belgiya klubi safida mashg'ulotlarda ishtirok etmoqda. Lukaku 6 iyul kuni "MYu" safiga qaytishi kerak edi, ammo u qaytmadi.

Lukaku yozgi transfer paytida mankunianliklar safini tark etishni istamoqda. Unga "Inter" va "Yuventus" klublari tomonidan qiziqishlar bo'lmoqda. Ammo "MYu" bu jamoalar bilan futbolchining transferini kelishi olmayapti. "Yuve" hujumchisi Paulo Dibala esa o'zaro o'yinchilarni almashish doirasida "MYu"ga o'tishni istamadi.

Romelu Lukaku 2017 yilda "Manchester Yunayted" safiga o'tgan edi. U faoliyati davomida "Anderlext", "Chelsi", "Vest Bromvich" va "Everton" sharafini himoya qilgan.