Kutilmagan yangilik. «Liverpul» futbolchisi «Real»ga o'tadigan bo'ldi

"Liverpul" yarim himoyachisi Fabino faoliyatini "Real"da davom ettirishi mumkin. Bu haqda Mundo Deportivo nashri xabar tarqatdi.

Manbaga ko'ra, "Qirollik klubi" braziliyalik futbolchini 65 million evroga sotib olish borasida kelishuvga erishdi. Bu summa turli bonuslar evaziga yana 10 million evroga oshishi mumkin. Shuningdek, Fabino "Real" bilan 5 yilga mo'ljallangan shaxsiy shartnoma borasida kelishuvga erishgan.

25 yoshli futbolchi 2018 yildan beri "Liverpul" sharafini himoya qilmoqda. O'tgan mavsumda u mersisaydliklar safida 42ta o'yinda maydonga tushib, ularda bitta gol urdi va 2ta golga uzatma berdi.