Neymar «Oltin to'p» haqida nimalar dedi?

Kuni kecha Braziliya terma jamoasi sardori va «PSJ» klubi futbolchisi Neymar «A C» nashriga intervyu berdi va o'z kejakagi haqida to'xtalib o'tdi. Futbolchi tomonidan bilidirlgan fikrlarni esa, siz azizlar uchun tarjima qildik

Neymar

Men so'nggi paytlarda ko'p jarohat olyapman. Eng achinarlisi shundaki, bu jarohatlar doimmo hal qiluvchi o'yinlardan avval yuzaga kelmoqda. O'z yurtimizda bo'lgan mundialdagi jarohatim sababli o'zimdan ko'nglim to'lmagan bo'lsa, yaqinda o'z yakuniga etgan «Kopa Amerika» musobaqasida yana bir bor jarohatim sababli chetda qolib ketdim.

O'tgan mavsumdagi EChLdan chiqib ketganimiz haqida gapirsam ham bo'ladi. To'g'risi, bunday alamli jarohatlardan so'ng o'zim bilan uzoq so'zlashib o'tirishimga to'g'ri kelmoqda. Afsuski, hayotning bunday zarbalaridan so'ng inson o'ziga kelishi biroz qiyinroq bo'ladi.
Ko'pchilik mening o'yinlarimda pasayish kuzatilgani haqida gapirmoqda. Men bu so'zlarga sira qo'shilmagan bo'lar edim. So'zlarimga statistika isbot bo'la oladi. Men avvalgi davrlardagi kabi gollar kirityapman va jamoadoshlarimni to'p bilan ta'minlamoqdaman.

Mendan Messi haqida so'rashganida, yuragimning tubidan sog'inch hissini tuyaman. Yana aytaman, «Barselona» men uchun juda qadri va doimmo shunday bo'lib qoladi. Kataloniyadagi ilk o'yinlarim chog'ida qiyinchiliklarga uchraganimda, dunyoning eng yaxshi futbolchisi oldimga kelib ko'nglim ko'targan va kelajakda hammasi o'z izmiga tushib ketishini aytib ruhlantirgan edi. Keyinchalik biz qalin do'stlarga aylandik.

Luis, Leo va men ajoyib uchlikni hosil qilgan edik. To'g'risi o'sha davrlarda imo – ishora orqali bir – birimizni tushunib olar, raqib himoyachilarning eng yomon ko'rgan insonlariga aylangan edik. Esimda, Messi oldimga kelib, unga qanday yordam kerak bo'lsa, berishga tayyor ekanligini, mendagi barcha muommolar vaqt o'tgani sayin bartaraf bo'lishi aytib ko'nglimni tog'dek ko'targan edi.  Qisqacha qilib aytganda men uchun «Barselona» oddiy klub emas, u hamjihat oiladek bir gap!