Eldor Shomurodov RPL 4-tur ramziy jamoasidan o'rin oldi

"Futbol na kulichkax" veb-sayti Rossiya chempionati 4-turining ramziy terma jamoasini tuzib chiqdi. "Rostov" hujumchisi Eldor Shomurodovga mazkur jamoaning hujum chizig'idan joy berildi.


"Eldor Shomurodov mavsum dastlabki qismida juda yaxshi taassurot qoldirmoqda. U mazkur mavsumda 3ta gol urishga muvaffaq bo'ldi. "Rostov" forvardi o'tgan mavsum davomida aynan shuncha to'p kiritgan edi. «Ural»ga qarshi o'yinda Eldor zarba berish payida bo'ldi va uning imkoniyatini topdi. U avvalroq hisobni tenglashtirishi mumkin edi, ammo uning zarbasidan keyin to'p to'singa tegib qaytdi. Ikkinchi bo'limda u Bayramyanning uzatmasini erga tushirmasdan darvoza tomon tepdi va to'pni to'sin ostiga joylab qo'ydi. Futbolchi o'yin davomida gol urish uchun yana ikkita imkoniyatga ega bo'ldi. Fakt: Shomurodov «Ural» darvozasi tomon 5 marta zarba berdi", — deya izoh berdi FNK hamyurtimizning 4-turdagi o'yiniga.

Darvoqe, FNK Shomurodovni 3-tur ramziy terma jamoasiga ham kiritgan edi.

Rossiya premer-ligasi 4-tur ramziy terma jamoasi (FNK versiyasi).

Darvozabon — Aleksandr MAKSIMENKO (Spartak)

Himoyachilar – Mario FERNANDES (TsSKA), Urosh SPAYICh (Krasnodar), Toni ShUNICh (Dinamo), Evgeniy XARIN (Axmat)

Yarim himoyachilar – Ibragim TsALLAGOV (Sochi), Vilmar BARRIOS (Zenit), Roman EREMENKO (Rostov, 2)

Hujumchilar – Fyodor SMOLOV (Lokomotiv), Eldor ShOMURODOV (Rostov, 2), Fedor ChALOV (TsSKA, 2)