Superliga. 16-tur uchrashuvlarining boshlanish vaqti

10-11 avgust kunlari Coca Cola Superligasida 16-tur uchrashuvlari bo'lib o'tadi.

Mazkur tur doirasidagi “Navbahor” — AGMK o'yini 11 avgust kuni bo'lib o'tishi kerak edi. Har ikki jamoada o'z vaqtida “Paxtakor” tarkibida to'p surgan qator mutaxassislar faoliyat olib boradi. Ularning “Paxtakor-79” xotira kechasida ishtirok etish rejalaridan kelib chiqib, ikki klub o'zaro kelishgani holda uchrashuvni bir kun avvalroqqa surishni so'radi. Xat reglamentda ko'rsatilgan muddatgacha yozilgani, “Sport” telekanali hali o'z dasturlari rejasini tasdiqlab ulgurmagani, shuningdek, mazkur o'yinning ko'chishi xavfsizlik va boshqa masalalarda O'zPFLga noqulaylik tug'dirmasligidan kelib chiqib, uchrashuv vaqti o'zgartirildi.

Qolgan uchrashuvlar o'z vaqtida o'tadi. Quyida “Sport” telekanalining translyatsiyalar masalasidagi rejasi bilan tanishib olishingiz mumkin.  

Superliga, 16-tur
10 avgust, shanba
18:00. SURXON — LOKOMOTIV. «Sport» telekanali
18:00. DINAMO — QO'QON-1912. «Mahalla» telekanali
20:00. NAVBAHOR — AGMK. «Mahalla» telekanali
20:00. PAXTAKOR — BUXORO. «Sport» telekanali

11 avgust, yakshanba
04:15. DINAMO — QO'QON-1912. «Sport» telekanali (takror)
07:55. NAVBAHOR — AGMK. «Sport» telekanali (takror)

20:00. METALLURG — ANDIJON. «Mahalla» telekanali
20:00. SO'G'DIYoNA — QIZILQUM.
20:00. NASAF — BUNYoDKOR
21:45. NASAF — BUNYoDKOR. «Sport» telekanali (takror)

12 avgust, dushanba
00:05. SO'G'DIYoNA — QIZILQUM. «Sport» telekanali (takror)

Taqvim ishlab chiqilayotgan vaqtda Qurbon hayitining taxminan 12 avgust sanasiga to'g'ri kelishi ko'zda tutilgandi. Hayit bayramining bir kun ertaroq nishonlanishi sabab, 16-turning uch o'yini shu kunga to'g'ri keladi.