Abdusamad Do'rmonov: “Neftchi” – o'z oldiga yuksak maqsadlar qo'yadigan klub”

Coca Cola O'zbekiston kubogi 1/8 finali doirasidan o'rin olgan “Navbahor” – “Neftchi” (3:1) jamoalari o'rtasidagi bahsdan keyingi matbuot anjumanining birinchi qismida farg'onaliklar ustozi Abdusamad Do'rmonov qatnashib, OAV xodimlarining savollariga javob berdi.

"Mazkur uchrashuv borasida to'xtaladigan bo'lsam, baribir mahorat va tajriba borasida “Navbahor”ning ustunligi sezildi. Biz birinchi bo'limda asosan himoyaviy o'yin namoyish etmoqchi bo'lgandik. O'ttizinchi daqiqagacha buni uddaladik. Keyin esa kontsentratsiya hamda hushyorlikni yo'qotdik va bundan mezbonlar foydalanib, tanaffusgacha 3ta gol urishga muvaffaq bo'lishdi.

Shogirdlarimning ikkinchi bo'limda namoyish etgan o'yinlaridan qoniqish hosil qildim. Boisi, ikkinchi 45 daqiqalikda biz taktikaga o'zgartirishlar kiritdik. Natijada yigitlarda o'z kuchlariga ishonch paydo bo'lib, hujumkorlikni kuchaytirishdi. Jamoamiz yosh. Tarkibimizni ko'plab tajribali futbolchilar tark etishdi. Hozir jamoamiz safida to'p surayotgan o'yinchilar esa o'tgan mavsumda yoshlar jamoasida o'ynashgan.

Hayot davom etadi. Futbolda g'alabalar bilan birga mag'lubiyatlar ham bo'lib turadi. Endi xatolardan xulosa chiqarib, keyingi bahslarga  jiddiy tayyorgarlik ko'ramiz.

“Neftchi” – o'z oldiga yuksak maqsadlar qo'yadigan klub. Shu bois, ayrim qiyinchiliklarga qaramay ishlayapmiz, izlanyapmiz, o'z oldimizga qo'yilgan vazifani bajarishga harakat qilyapmiz. Buning natijasini esa joriy mavsum yakunida ko'ramiz.

Bugungi o'yinda mehmonlar safidan menda Ivan Solovyovning o'yini yaxshi taassurot qoldirdi. U yuqori saviyali futbolchi ekanligini namoyish etdi.   

“Navbahor” PFK matbuot xizmati.