G'arbiy Osiyo chempionati: Yaman va Falastin o'zaro o'ynadi, Saudiya bugundan musobaqaga kirishadi
/ Kiritdi: BestMaster Ko'rilgan: 555
Bilasiz, kelasi oydan e'tiboran Jahon chempionati-2022 ikkinchi saralash bosqichi start oladi.
O'zbekiston milliy terma jamoasi ikkinchi saralash bosqichining “D” guruhidan o'rin olgan bo'lib, terma jamoamizga bu bosqichda Saudiya Arabistoni, Falastin, Yaman hamda Singapur termalari raqiblik qiladi.
Qayd etish joiz, ayni paytda Iroqda G'arbiy Osiyo Futbol Federatsiyasi tomonidan o'tkaziladigan mintaqa chempionati start oldi. Unda Saudiya Arabistoni, Falastin va Yaman terma jamoalari ishtirok etmoqda.
Musobaqa guruh bosqichi “A” guruhining 1-turida Yaman Falastin bilan bahs olib bordi. Uchrashuvda Falastin 1:0 hisobida g'alaba qozondi. 2-turda esa Falastin Iroqqa 1:2 hisobida imkoniyatni boy berdi.
Bugundan “B” guruhi jamoalari ham o'yinlarga kirishadi. Saudiya Arabistoni terma jamoasi Quvayt termasiga qarshi bahs yuritadi.
Ta'kidlash joiz, G'arbiy Osiyo chempionati 14 avgustga qadar davom etadi.
Bosh sahifaga
408