Futzal bo'yicha O'zbekiston milliy terma jamoasi “Chkalov Kubogi” musobaqasida ishtirok etadi

Kuzda bo'lib o'tadigan futzal bo'yicha Osiyo chempionati-2020 saralash bahslariga hozirlik olib borayotgan  O'zbekiston milliy terma jamoasi avgust oyi so'nggida  Rossiyaning Nijniy Novgorod shahrida o'tkaziluvchi xalqaro musobaqada ishtirok etadi.

29 avgust – 1 sentyabr kunlari Nijniy Novgorodda 3-marta tashkil etilayotgan “Chkalov Kubogi” musobaqasi bo'lib o'tadi. Unda Bahodir Ahmedov boshchiligidagi futzal bo'yicha O'zbekiston milliy terma jamoasi ham ishtirok etadi. Musobaqada bosh sovrin uchun shuningdek, Rossiya U-19 terma jamoasi, “Spartak” (Moskva) hamda “Orgxim” (Nijniy Novgorod) futzal klublari bahs olib borishadi. Har bir jamoa musobaqa davomida 3 tadan o'yin o'tkazadi.

“Chkalov Kubogi” musobaqasi

29 avgust – payshanba

Rossiya U-19 – Spartak
Orgxim – O'zbekiston m.t.j

30 avgust – juma

Rossiya U-19 – O'zbekiston m.t.j
Orgxim – Spartak

1 sentyabr – yakshanba

Spartak – O'zbekiston m.t.j
Rossiya U-19 – Orgxim