AGMK futzal bo'yicha klublar o'rtasidagi Osiyo chempionatida ishtirok etadi

7-18 avgust kunlari Tailandda futzal bo'yicha klublar o'rtasidagi  Osiyo chempionati bahslari bo'lib o'tadi.

Unda qit'amizning eng kuchli 16ta klubi ishtirok etadi. Bangkok shahri mezbonlik qiluvchi musobaqada yurtimiz sharafini AGMK klubi himoya qiladi. Hamyurtlarimiz “B” guruhidan o'rin olgan bo'lib, olmaliqlik futzalchilar  “Tay Son Nam” (Vetnam),  “Naft al Vasat” (Iroq) hamda  “Al Rayyan” (Qatar) klublariga qarshi bahs olib borishadi.

Jamoa 5 avgust kuni Tailandga yo'l olishi ko'zda tutilgan.

Futzal bo'yicha klublar o'rtasidagi Osiyo chempionati

7 avgust
“Tay Son Nam” (Vetnam) – AGMK (O'zbekiston)

9 avgust
AGMK (O'zbekiston) – “Naft al Vasat” (Iroq)

11 avgust
“Al Rayyan” (Qatar) – AGMK (O'zbekiston)