Riberi faoliyatini Osiyoda davom ettirishi mumkin

«Bavariya» klubi sobiq yarim himoyachisi Frank Riberi faoliyatini Yaqin Sharq mamlakatlarining birida davom ettirishi mumkin. Futbolchi bugun yangi klubi bilan shartnoma imzolash uchun Osiyo qit'asiga yo'l oladi. Bu haqda "Bild" nashri xabar tarqatdi.

Hozircha klub nomi oshkor qilinmayapti, ammo ehtimol bilan u Qatar yoki Saudiya Arabistoni jamoasi safiga qo'shiladi.

Avvalroq Riberi «Monako»dan tushgan taklifga rad javobini bergan edi. Shuningdek, «Ayntraxt» ham unga qiziqish bildirgan edi.