«CAFA U-16 championship-2019»: O'zbekiston 2-o'rinni egalladi

Tojikiston poytaxti Dushanbe shahrida Markaziy Osiyo futbol assotsiatsiyasi (CAFA)ga a'zo mamlakatlarning o'smirlar terma jamoalari o'rtasida musobaqa yakunlandi.

Azamat Abduraimov shogirdlari musobaqaning so'nggi kunida turkmanistonlik o'smirlarga qarshi bahs olib borib, yirik 4:0 hisobida g'alaba qozonishdi. Natijada O'zbekiston U16 terma jamoasi 5 o'yinda 10 ochko jamg'arib, musobaqada 2-o'rinni egalladi.

Turnir g'olibligi mezbon — Tojikiston o'smirlar terma jamoasiga nasib etdi. Tojikistonliklar so'nggi turda Afg'oniston ustidan g'alaba qozonib, o'z ochkolarini 13taga etkazishdi. Uchinchi o'rin esa Eronga nasib etdi. Ular 5-turda Qirg'izistonni mag'lub etib, 9 ochkoga ega bo'lishdi.

5-turda qayd etilgan natijalar

Qirg'iziston – Eron - 0:5
O'zbekiston – Turkmaniston - 4:0
Tojikiston – Afg'oniston - 1:0

Musobaqa jadvali:
1. Tojikiston — 13 ochko
2. O'zbekiston — 10 ochko
3. Eron — 9 ochko
4. Afg'oniston — 7 ochko
5. Turkmaniston — 3
6. Qirg'iziston — 1 ochko