«Real» - «Tottenxem» uchrashuvi paytida Beyl golf o'ynayotgan edi (foto)

30 iyul, seshanba kuni «Real» Audi Cup musobaqasining yarim final bosqichida «Tottenxem»ga qarshi bahs olib bordi.

Bu paytda esa "Qirollik klubi" yarim himoyachisi Madrid yaqinidagi maydonchada golf o'ynayotgan bo'lgan. Ispaniyaning El Confidencial nashri futbolchining golf o'ynayotgan suratini e'lon qilgan. Ushbu surat mahalliy vaqt bilan 20:00da olingan bo'lib, Myunxendagi o'yin esa bu vaqtdan 2 soat ilgari boshlangan edi. Manbaga ko'ra, «Real»ning uchrashuvi boshlangan paytda uelslik futbolchi golf o'ynashni boshlab yuborgan. Demak, u o'z jamoasi o'yinini tomosha qilmagan.

Avvalroq Zidan jurnalistlarning savoliga javob berar ekan, Beyl yaxshi formada emasligi, o'zini yaxshi his qilmayotgani bois Myunxendagi musobaqaga olib kelinmaganini aytgan edi.