Erkin agentlardan tashkil topgan super jamoa

Darhaqiqat, hozirgi kunimizga kelib futbol olamidagi ko'plab nomdor futbolchilar o'zlariga jamoa qidirish bilan ovvora. Bugun aynan shunday futbolchilardan tashkil topgan ramziy jamoamizni e'tiboringizga havola etmiz.

Darvozabon : Adrian

«Vest Hem» jamoasidagi ajoyib o'yinlari bilan ko'plab muxlislar ishonchiga sazovar bo'lgan darvozabon hozirda ishsiz qolib ketganiga ishonish qiyin. Uning transfermarketdagi narxi 3 million evroni tashkil etgan bo'lsada, birorta klub uni o'z safiga qo'shib olmoqchi emas.

Himoyachilar : Xuanfran

«Atletiko Madrid»ning ajralmas bir bo'lagi sifatda uzoq muddat «matraschilar» sharafini himoya qilgan futbolchi o'z xohishi bilan jamoani takr etgani tahsinga sazovar. 34 yoshlik futbolchining keyingi manzili haligacha aniq bo'lib ulgurmadi.

Garri Kehil

Sarri tomonidan qo'llanilgan kombinatsiyon futbolga moslasha olmagan himoyachi o'z – o'zidan zahiraga mixlanib qoldi. To'g'ri uning tehnikasi yuqori darajda emas, biroq kurashuvchanlik va jismoniy xolati borasida hali o'z imkoniyatlarini saqlab qolgan.

Timoti Kolodzeychak

Meksika chempionatida o'ynab keta olmagan futbolchi kutilmaganda Frantsiya birinchiligi kashfiyotiga aylandi. «Sent – Eten» jamoasida ajoyib o'yin ko'rsatib,  mavsumni 4  - pog'onada yakunlagan futbolchi hozirda ishsiz qolishi qiziq

Martin Shkrtel

Martin «Fenerbahche» safida o'z imkoniyatlarini to'liq namoyish etdi va hali hamon top himoyachilar sirasiga kirishini isbotlab berdi. Shunday bo'lsada, hozirda slovakiyalik futbolchi o'ziga klub qidirish bilan band

Dani Alvez

O'ylashimcha ortiqcha izohga xojat yo'q!

Yarim Himoyachilar : Hotam Ben Arfa

32 yoshni qoralab qo'ygan futbolchi tehnika bobida qanchalar etuk futbolchi bo'lsada, o'z harakteri qurboni bo'ldi. Hozirda uning janjalkashligi bois birorta  klub o'z safiga qo'shib olishni istamayapti.

Yoan Kabay

O'tgan mavsumni BAA chempionatida o'tkazgan futbolchi hozirda erkin agent maqomida yuribdi. 33 yoshlik futbolchining statistikasi hali – hamon chakki emas

Maurisio Pereyra

Rossiya chempionatida o'z driblinglari bilan ko'zga tashlanib turgan urguvaylik futbolchi oilaviy sabablarga ko'ra faoliyatini Ispaniyada davom ettirmoqchi edi. Afsuski, birorta  ispan klubi unga shartnoma taklif qilganicha yo'q

Fernando Lorente

34 yoshni qoralab qo'ygan bo'lsada, uning hizmatlari bilan ko'plab jamoalar qiziqish bildirmoqda. Shuna qaramasdan futbolchi o'zi uchun jamoa topa olganicha yo'q.

Daniel Starridj

Jarohatlar qurboni bo'lgan iqtidor egasi 29 yoshidayoq hech qaysi klubga kerak emasligi biroz alamli xolat. Xatto APLga qaytgan nisbatan kuchsizroq jamoalar ham «billur oyoq» futbolchini tarkibga qo'shib olishni istamayapti. Jamoa bosh murabbiyi : Massimiliano Alegri O'zining topqirligi va kuchli taktik mutaxassisligi bilan nom qozongan murabbiy o'z xohishi bois boshqa klubda ishlashni istamayapti. Biroz dam olmoqchi shekilli futbol olamida ko'rinmay qoldi. Shunday bo'lsada, uning hizmatlariga ko'plam klublar muhtojligi bois tez orada Alegrini yana bosh murabbiy rolida ko'rsak, ajab emas