Ularga hech kim ishonmagan edi

Ularga hech kim ishonmagan ediFutbolchilarga rahbariyat va murabbiylar tomonidan bildirilayotgan ishonchi juda muhim. Sababi, bunday futbolchilar o'z kuchiga bo'lgan ishonchi tufayli ko'plab muommolarni osonliki bilan bartaraf eta olishadi. Shunday bo'lsada, futbol olamida ayrim futbolchilar bor-ki, ularga biror bir yutuqqa erishishlaridan avval hech kim ishonqiramagan va kelajagiga shubha ko'zi bilan qaragan edi. Bugun ana shunday hech kim ishonmagan futbolchilar va ular erishgan yutuqlar haqida so'z boradi.

Dani Alvez

Braziliyalik futbolchi «Sevilla»dan «Barselona» jamoasiga o'tgach qisqa muddat ichida Gvardiolaning maydondagi eng havfli quroliga aylandi va jamoaning ajoyib g'alabalariga munosib ulushini qo'sha boshladi. Dani klublar miqyosida deyarli barcha musobaqada zafar quchishga muvaffaq bo'ldi. 2013 – yilga kelib futbolchining klub bilan tuzgan shartnomasi o'z yakuniga etdi va «Barselona» 33 yoshlik futbolchi bilan shartnoma tuzishdan bosh tortdi. To'g'riroq aytsak, Dani Alvezga ishonmadi. Uning karierasi tugadi deb hisoblagan «Barselona» rahbarlari katta xatoga yo'l qo'yishdi. Braziliyalik futbolchi klubdan hafa bo'lmadi va erkin agent maqomida «Yuventus» bilan bir mavsumlik shartnoma imzloadi. Aslida futbolchi Turin klubi bilan 2 yilga mo'ljallangan shartnoma tuzmoqchi edi, biroq «Yuventus» 33 yoshlik futbolchiga ishonmadi. Shunday bo'lsada, Alvez fantastik mavsumni o'tkazdi va «PSJ» jamoasiga o'tib ketdi. Oradan 2 yil o'tib edni «PSJ» 36 yoshlik futbolchiga ishonmadi va u bilan shartnoma tuzmadi. Futbolchi «Kopa Amerika» musobaqasida fantastik o'yin ko'rsatdi va unga ishonmaganlarga yana bir bor saboq berib qo'ydi. Hozida futbolchi istalgan klubni kuchaytira oladigan salohiyatga ega desak, adashamagan bo'lamiz.

Kevin De Bryoyne

2012 – yilda Londonning «Chelsi» jamoasiga o'tgan belgiyalik futbolchi yangi darajaga chiqishi uchun Germaniyaning «Verder» jamoasiga ijaraga beriladi. O'zining ijaradagi ilk mavsumidayoq Kevin 10 gol kiritadi va 9 bor golli uzatmani amalga oshiradi. Uning sermahsulligi evaziga «Chelsi» «sariq bola»ni yana ortga qaytaradi. Afsuski, Kevinga atigi 3 tagina o'yinda ishtirok etishga imkon berishadi. Oqibatda De Bryoyne yana «Bundesliga»ga qaytadi. «Volsburg» jamoasidagi ajoyib mavsumdan so'ng, uni «Manchester Siti» 54 million evroga harid qiladi.
Kevin De Bryoyne «shaxarliklar» safida bir necha bor chempionlikni qo'lga kirtdi va jamoaning etakchsiga aylanadi. APLning eng kuchli yarim himoyachilaridan birning  transfer qiymati 150 million evro atrofida baholanmoqda.

Antuan Grizman

Yaqindagina 120 million evroga baholanayotgan futbolchining bu ro'yxatda joy olishi sizlarni haron qoldishi mumkin. Gap shundaki, Grizmanning yoshligi juda mushkul o'tgan. 12 yoshigacha futbolchiga birorta havaskor jamoa ham ishonmagan va unga o'z tarkibidan joy bermagan. Uning kichik jussasi va nozik harakteri bois birorta murabbiy u bilan ishlashni istamaydi. Grizman Frantsiyaning : «Lion»,  «Metsz», «Soshso» va «PSJ» jamoalari ko'rigidan o'ta olmaydi va butkul tushkunlikka tushib qoladi.
Aynan shunday omadsiz ko'riklardan birida Antuanni ispaniyalik skaut ko'rib qoladi va uni «Real Sosedad»ga taklif etadi. Aynan shu jamoa safida Antuan dunyoga taniladi. Ayniqsa uning EChL bahslari doirasida azaliy raqibi «Lion» darvozasiga qaychi uslubida kiritgan goli «Atletiko Madrid» rahbarlarining e'tiborini tortadi. Bu hikoyaning davomini juda yaxshi bilasiz…

Muhammad Salah

Londonning «Chelsi» jamoasi tomonidan boy berilgan yana bir iqtidor egasi. 2014 – yilda «Bazel»dan harid qilingan futbolchi yangi mavsumda atigi 13 ta uchrashuvda maydonga tushadi va muxlislarning ko'nglidan joy ola bilmaydi. U ochiqchasiga APL darajasidan pastroq futbolchi deb e'tirof etiladi. Uning kelajagiga ishonmagan «Chelsi» keyingi yili misrlikni «Fiorentina»ga ijara asosida qo'yib yuboradi. Salah «A seriya»da yo'qolib qolmaydi va uning chaqqon harakatlari «Roma» jamoasi e'tiborini tortadi. Oqibatda  «Chelsi» o'z futbolchini o'ylab ham o'tirmay sotib yuboradi. Rim klubidagi ajoyib  ikkita mavsumdan so'ng, «Liverpul» Salah uchun 40 million evro to'laganida ko'plab tanqidchilar Salahning APLda o'ynab ketishiga ishonchsizlik bilan qarashasdi. Xatto klubning sodiq muxlislari ham Salahdan ortiqcha mo''jiza kutmayotganlarini ochiqchasiga e'losn qilishadi, lekin oradan bir mavsum o'tib Muhammad «Enfild»ning yoqimtoyiga aylanadi. Fantastik ilk mavsumdan so'ng, uning o'yinida pasayish bo'lishini tahmin qilashadi, biroq futbolchi keyingi mavsumda bir mavsumlik futbolchi emasligini isbotlab, «Oltin butsa» va EChL bosh sovrinini qo'lga kiritadi. Hozirda misrlik futbolchining transfer qiymati qariyb 4 barobar ko'tarilgan bo'lib, tahminan 160 millioni tashkil etmoqda.