«Karpin o'z jamoasida top hujumchini etishtirmoqda» – Shomurodov rus jurnalistlari e'tirofida

Kuni kecha Rus nashrlaridan birida (Sport Mail.ru) Eldor Shomurodov haqida maqola e'lon qilindi. Biz uni sizlarga ilindik.

Yangi mavsum oldidan Valeriy Karpin jamoaning o'yin uslubini belgilab oldi. Endilikda uning jamoasi to'pni ko'proq nazorat qilgancha, hujumkor futbol ko'rsatmoqda. Karpin jamoani Papov, Erominka, Norman, Bayramiyan, Ionov singari maydonni yaxshi ko'ra oladigan futbolchilar atrofida tuzgan bo'lsada, asosiy planga sekin – astalik bilan Eldor Shomurodovni olib chiqmoqda.

O'tgan mavsumda o'zbek asosiy tarkibdagi joyini  Sigurdsonga boy berib qo'ygan bo'lsada, yozda Karpin islandiyalik hujumchini bir chetga surib qo'ydi va Shomurodov bilan 5 yillik shartnoma tuzdi…

Mavsum oldi uchrashuvlarning o'zidayoq Eldor jamoaning birinchi raqamli hujumchisiga aylandi. Futbolchi o'tgan mavsum davomida RPL uchrashuvlarida 3 ta gol kiritgan bo'lsa, yangi mavsumda 3 ta turning o'zidayoq 2 bor raqiblari darvozasini ishg'ol qilishga muvaffaq bo'ldi.

“Ishonamanki, gollar Shomurodoa uchun ishonch bag'ishlamoqda. O'zi shundoq ham «Rubin» bilan bo'lgan uchrashuvda uning o'yinidan ko'nglim to'lgan edi. To'g'risi futbolchini faqat kiritgan goli bilan baholash xato.”

Valeriy Karpin

Murabbiy o'tgan mavsumdayoq futbolchining kiritgan goli bilan baholash noo'rin ekanligiga sha'ma qilgan edi. Aslida Shomurodovning asosiy yutug'i gollarida emas. Uning arsenalidagi tezkorlik va harakatchanlik o'tgan mavsumda «Rostov» tomonidan qo'llangan qarshi hujum taktikasida katta  foyda bergani tahsinga sazovar. «Spartak» bilan bo'lgan uchrashuvda Shomurodov ko'zga tashlanmagan bo'lsada, uning jamoa uchun katta nafi tegdi.
«Arsenal» jamoasi bilan bo'lgan uchrashuvda Eldor uncha – muncha hujumchilar bajara olmaydigan darjada katta zonada raqib himoyachilari uchun bosh og'riq bo'ldi va ularni havotirda ushlab turdi.

Statistika ham so'zlarimizni isbotlamoqda. Futbolchi uchrashuv mobaynida raqib darvozasiga 4 bor zarba bergan. Bu eng yaxshi ko'rsatgichlardan biri.  3 bor omadli aldab o'tish va 2 ta ajoyib pas. (Ayniqsa Ionovga uzatilgan pasni alohida aytib o'tish joiz. Juda nozik va ishonchli pas)!
Shomurodov birinchi bo'limning o'zidayoq gol kiritishi mumkin edi. Biroq darvozaboning ustidan to'pni tashlash uchun masofa etmay qoldi. Avvaliga «Rostov» o'zi uchun o'zi muammolar yarata boshlagan edi, lekin Shomurodov raqib maydonchasida qanday o'ynash kerakli borasida namuna ko'rsatdi va o'yinni jamoasi uchun deyarli yutib berdi.

To'g'ri, «Arsenal» bu goldan so'ng javob qaytara oldi, biroq «Rostov» kuchliroq edi «Arsenal»ning «Neftchi»ga qarshi bahs oldidan biroz dam olganidan unumli foydalandi.
Shunga qaramasdan, Karpin o'zi bilan faxrlansa arziydi. 

«Arsenal»ga qarshi uchrashuvda Eldor o'zining naqadar serqirra ekanligni va potentsiyali juda baland ekanligni isbotlab berdi. Agarda u shu tempda ishlashda davom etsa, «Rostov»da uzoq qolmasligi aniq!