Jahon chempionati kurashchilarimiz uchun omadli boshlandi

Bolgariyaning Sofiya shahrida sport kurashlari bo'yicha o'smirlar o'rtasida jahon chempionati bo'lib o'tmoqda.

Xabar berganimizdek, musobaqani erkin kurashchilar boshlab berishdi va birichi kun terma jamoamiz uchun muvaffaqiyatli yakunlandi.

Bahslarni boshlagan 3 kurashchimizning barchasi bugun shohsupaga ko'tarilish imkoniyatiga ega va ularning ikki nafari oltin medal uchun kurash olib borishadi. E'tiborlisi, har ikkisining raqibi ham eronlik. -55 kilogramm vazn toifasida kurashayotgan Buenos-Ayres o'smirlar Olimpiadasi chempioni Umidjon Jalolov va -48 kilogramm vaznda Kamronbek Qadamov finalda o'z omadini sinab ko'radi. Qolaversa, Qudratbek Nurullaev (-65 kg) bronza medali uchun bahs olib borishi belgilab qo'yilgan.

Final:
-48 kg: Kamrobek Qadamov – Rahmon Amuzadhalili (Eron)
-55 kg: Umidjon Jalolov – Mahdi Vaysi (Eron)

Bronza medali uchun:
-65 kg: Qudratbek Nurullaev – Manish Gosvami (Hindiston)

Shuningdek, bugun musobaqaning ikkinchi kun doirasida quyidagi kurashchilarimiz saralash doirasida ishtirok etishadi:

-45 kg: Muhammadbobur Mamajonov – Vladislav Nikandrov (Qirg'iziston)
-51 kg: Arslon Rahimov – Hamzat Arsamerzuev (Frantsiya)
-71 kg: Shohruh Jo'raev – Aleksandr Fakundo (AQSh)
-92 kg: Ravshanbek Jumaboev – Filip Vishnevski (Polsha)