Eldor Shomurodov RPL 3-tur ramziy terma jamoasiga kiritildi

Rossiyaning "Futbol na kulichkax" veb-sayti Rossiya premer-ligasining 3-tur ramziy terma jamoasini tuzib chiqdi. "Rostov" futbolchisi Eldor Shomurodov hujum chizig'i vakillari orasiga kiritildi.

"O'tgan mavsumda Eldor Shomurodov ko'proq Sigurdarsonning o'rniga zaxiradan maydonga tushgan bo'lsa, ushbu mavsumda o'zbekistonlik futbolchi raqobatda islandiyalik hujumchini engdi. Tulada bo'lib o'tgan "Arsenal"ga qarshi o'yinda Eldor dastlab Ionovga golli uzatmani bergan bo'lsa, o'yin so'ngida u o'z imkoniyatidan mahorat bilan foydalandi. Mazkur gol yakunda g'alabani ta'minladi. Shomurodov mazkur uchrashuvda raqib darvozasi tomon 4ta zarba berdi, 2 marta raqiblarini zarbavor vaziyatga chiqardi", — deya izoh berdi ramziy terma jamoani tuzib chiqqan FNK muxbiri.

Rossiya premer-ligasi 3-tur ramziy terma jamoasi (4-3-3):

Darvozabon — Andrey LUNEV (Zenit)

Himoyachilar — Aleksandr SUXOV (Ufa), Sedrik GOGUA (Tambov), Xerdur MAGNUSSON (TsSKA), Soslan TAKAZOV (Tambov)

Yarim himoyachilar — Artur YuSUPOV (Dinamo), Gjegoj KRIXOVYaK (Lokomotiv), Roman EREMENKO (Rostov)

Hujumchilar  — Ivan IGNAT'EV (Krasnodar), Eldor ShOMURODOV (Rostov), Fedor ChALOV (TsSKA).