Ronaldu "Afsona" mukofotini qabul qilib oldi

"Yuventus" hujumchisi Krishtianu Ronaldu Ispaniyaga tashrif buyurdi.

Portugaliyalik futbolchi Marca tomonidan "Afsonalar" mukofotiga sazovor bo'ldi. Taqdirlash marosimida "Real" prezidenti Florentino Peres, shuningdek, Ronalduning agenti Jorje Mendesh ham ishtirok etdi.

Ma'lumot o'rnida, bu sovrin 1997-yilda ta'sis etilgan. Bu sovrinni avval Lionel Messi, Diego Maradona, Maykl Felps, Mixael Shumaxer va Maykl Jordan qo'lga kiritgan.

Eslatib o'tamiz, o'tgan mavsumda Ronaldu o'z faoliyatida birinchi marta Italiya chempioni bo'ldi.