Ro'ziqul Berdiev: "Mehnatlarimiz o'z samarasini berdi"

Superliga 14-turidan o'rin olgan "Surxon" - "Nasaf" (1:3) uchrashuvidan so'ng mehmonlar  ustozi Ro'ziqul Berdiev uchrashuv haqida o'z fikrlarini bildirib o'tdi.

- Yigitlar g'alabaga haqli o'yin ko'rsatishdi. O'yin rejamiz asosida o'tdi deb o'ylayman. O'yinning borishi, to'p nazorati, va hisob bo'yicha ham ustunlikka erishdik va shu bois g'alabani qo'lga kiritdik. Bugungi raqibimiz juda jiddiy, tajribali futbolchilarga ega bo'lgan kuchli jamoa edi. Raqibmiz o'z uyida o'ynayotganligi tufayli hujumga berilishini kutgan edik. Shuning uchun ham biz qarshi hujumlardan, sdandart vaziyatlardan unumli foydalanishimiz kerak edi va biz buni uddaladik.

- "Surxon" birinchi davrada yomon o'yin ko'rsatmadi. Ammo hozirgi o'zgarishlar jamoaga qanchalik foyda beradi, buni vaqt ko'rsatadi. Klubning olib borayotgan siyosatini ko'llaymiz, lekin uning to'g'ri yoki noto'g'riligiga aralashishga haqqimiz yo'q", - dedi "Nasaf" bosh murabbiyi Ro'ziqul Berdiev.