Dzyudo bo'yicha O'zbekiston milliy terma jamoasi a'zosi Sharofiddin Lutfillaevga

Siz, Xorvatiyaning Zagreb shahrida o'tkazilayotgan nufuzli Gran-pri turnirida zafar quchib, yurtimiz va sportimiz dovrug'ini butun dunyoga yanada tanitdingiz. Ushbu g'alaba Sizni kelasi yili Yaponiya poytaxtida o'tkaziladigan navbatdagi yozgi Olimpiya o'yinlari yo'llanmasi sari yanada yaqinlashtiradi.

Faoliyatingiz davomida 2013 yil Toshkent, 2015 yil Tbilisi va Samsun, joriy yil Marrakesh Gran-prilaridan so'ng Zagrebda ham oltin medalni qo'lga kiritdingiz. Endi navbat kelasi oy Tokio shahrida bo'lib o'tadigan jahon chempionatiga. Dzyudo vatanida o'tkaziladigan dunyo birinchiligida ham mana shunday yuksak natija qayd eta olishingizga ishonamiz va bu yo'lda Sizga kuch-quvvat, mustahkam iroda va omad tilab qolamiz.

Hurmat bilan,
O'zbekiston Milliy olimpiya qo'mitasi