Rasman! Turin klubi Londondan futbolchi xarid qildi

"Torino" yarim himoyachi Nikola Vlashich bilan 2027 yilning yoziga qadar shartnoma imzolaganini e'lon qildi. Shartnoma 2028 yilgacha uzaytirilishi mumkin.

Oldinroq insayder Fabritsio Romano "buqalar" "Vest Xem"ga 12 million evro to'laganini aytgandi.

2022/23 yilgi mavsumda Vlashich "Torino"da ijara asosida o'ynagan. U 37 uchrashuvda 5 ta gol urdi va 8 ta golli uzatmani amalga oshirdi. Transfermarkt portali yarim himoyachining narxini 17 million evroga baholamoqda.