Neymar yangi jarohat orttirib olgan

Hujumchi Neymar va yarim himoyachi Marko Verratti "PSJ" mashg'ulotlarini o'tkazib yuborishdi.

31 yoshli futbolchi o'tgan mavsumning so'nggi qismida olgan og'ir jarohatidan endigina tuzalib ketgandi. Frantsuz OAV xabariga ko'ra, Neymar bir kun avval qo'shimcha mushaklarini shikastlab olgani uchun seshanba kungi "PSJ" mashg'ulotini o'tkazib yuborgan. Marko Verratti ham mashg'ulotlarda qatnashmadi, ammo italiyalikning yo'qligi sababi hozircha oshkor etilmagan.

Eslatib o'tamiz, mish-mishlar Neymarni "Barselona"ga qaytishi bilan bog'lashmoqda. Verratti tez orada Saudiyaning "Al-Hilol" klubiga o'tishi mumkin.