"Roma" Matichni frantsuz klubiga sotmaydi

"Roma" yarim himoyachisi Nemanya Matich "Renn"ga o'tmaydi.

Yaqinda ma'lum bo'lishicha, frantsuz klubi 35 yoshli futbolchi bilan allaqachon aloqaga chiqqan. Insayder Janluka di Martsioning so'zlariga ko'ra, klublar o'rtasidagi muzokaralar haligacha o'tkazilmagan va "Roma" yarim himoyachi bilan xayrlashmoqchi emas.

Nemanya Matichning rimliklar bilan shartnomasi 2023/24 yilgi mavsum oxirida yakuniga etadi. Tajribali futbolchi o'tgan yozda "Manchester Yunayted"dan erkin agent sifatida "bo'rilar" safiga qo'shilgandi.