Andijon hokimi «Buxoro»ga qarshi o'yin oldidan futbolchilar bilan uchrashdi va qo'y so'yildi

Andijon viloyati hokimi Shuhratbek Abdurahmonov "Andijon" klubi a'zolari bilan uchrashdi.

Bugun Andijon shahridagi "Halqlar Do'stligi" stadionida Andijon viloyati hokimi Shuhratbek Abdurahmonov "Andijon" futbol klubining barcha a'zolari bilan uchrashdi.

Uchrashuvda Nuroniy otaxonlar, murabbiylar shtabi, futbolchilar, rahbariyat a'zolari ishtirok etishdi.

Shuhratbek Qo'shaqboevich bugun bo'lib o'tadigan "Andijon"-"Buxoro" uchrashuvidan ijobiy natija kutayotganini, Andijon halqi futbolchilardan g'alaba kutayotganini alohida ta'kidlab o'tdi.

Shuningdek, jamoa bosh murabbiyi Aleksandr Xomyakovga viloyatdagi iqtidorli futbolchilarga e'tiborni kuchaytirish bo'yicha alohida ko'rsatmalar va topshiriqlar berdi.

Qolaversa, yoshlar jamoasi ko'rsatayotgan o'yin va natijadan xursand bo'layotganini, viloyatimizdan mana shunday iqtidorli bolalar etishib chiqayotgani, ularni qo'llab-quvvatlash kerakligini, Aleksandr Xomyakovga ularni nazorat qilib turishini alohida topshiriq qilib belgilab berdi.

So'ngra, Nuroniy otaxonlar Qur'on tilovat qilishib, qo'y so'yildi.