"PSJ" navbatdagi transferga e'tiborini qaratadi

"PSJ" Lissabonning "Benfika" klubi hujumchisi Gonsalu Ramushni qo'lga kiritganidan so'ng, transfer bozoridagi harakatlarni yopish niyatida emas. Parijliklar hozirda Frankfurtning “Ayntraxt” klubi futbolchisi bo'lgan Randal Kolo-Muani bilan shartnoma tuzish bilan band, deb xabar beradi L'Equipe.

Germaniya jamoasi futbolchisi "PSJ"ga o'tishga qarshi emas, shuning uchun shaxsiy shartnoma muammo bo'lmaydi. Vaziyatni frantsuz uchun 100 million evro olmoqchi bo'lgan "Ayntraxt"ning talablari murakkablashtiradi.

Kolo-Muani Bundesligada bor-yo'g'i bir mavsum o'tkazdi, ammo bu davrda u 32 uchrashuvda 15 ta gol urdi va 11 ta golli uzatmani amalga oshirdi.