“Latsio” yarim himoyachi sotib oldi

“Midtyulland” safida Daniya chempionatida o'ynagan hujumkor yarim himoyachi Gustav Isaksen Italiya A Seriyasiga ko'chib o'tdi. 22 yoshli futbolchining yangi ish joyi “Latsio” bo'ldi.

"Burgutlar" matbuot xizmati xabar berishicha, "Latsio" rahbariyati daniyalikning transferi uchun 16 million evro to'lagan.

Isaksen "Midtyulland" akademiyasining bitiruvchisi. U asosiy jamoa tarkibida 139 ta jang o'tkazib, 33 ta gol urgan va 18 ta golli uzatmani amalga oshirgan.