"Al-Hilol" "Manchester Siti" himoyachisi bilan rasmiy muzokaralarni boshladi

"Manchester Siti"ning o'ng qanot himoyachisi Joau Kanselu "Al-Hilol" vakillari bilan muzokaralar olib bormoqda.

Avvalroq portugaliyalik futbolchi "Barselona" bilan shartnoma imzolashga og'zaki rozi bo'lgandi, ammo kataloniyaliklar hali "Manchester Siti" bilan o'tish shartlari bo'yicha kelishmagan. Ayni paytda, jurnalist Rudi Galettining so'zlariga ko'ra, 29 yoshli lateral bilan rasmiy munozaralar "Al-Hilol"da boshlangan. Saudiya klubi boshliqlari futbolchining kelishuvga qanchalik qiziqayotganini bilmoqchi. "Barselona" ham moliyaviy qiyinchiliklarga qaramay, shartnoma imzolash umidini yo'qotmayapti.

Transfermarkt Joau Kanseluni 50 million evroga baholadi.