"Bavariya" Vlaxovich nomzodiga qaytishi kutilmoqda

"Yuventus" hujumchisi Dushan Vlaxovich "Bavariya"ning qisqa ro'yxatida qolmoqda.

So'nggi haftalarda Germaniya Bundesligasi gigantlari o'z kuchlarini to'liq "Tottenxem" hujumchisi Xarri Keyn uchun muzokaralarga qaratdi, ammo "shporlar" rahbariyatining roziligi haligacha olinmayapti. Tuttosport xabariga ko'ra, "Bavariya" ingliz futbolchisining transferini amalga oshira ololmasa, Vlaxovich nomzodiga qaytadi. Myunxenliklar 23 yoshli serbga da'vogarlar qatoriga yoz boshlarida qo'shilgan edi.

Eslatib o'tamiz, "Bavariya" Xarri Keynni sotib olish uchun bonuslarni hisobga olmaganda 100 million evro sarflashga tayyor. Transfermarkt ma'lumotlariga ko'ra Dushan Vlaxovichning narxi 70 mln evro.