Onana maydon markazidan gol o'tkazib yuborganidan so'ng nimalar dedi?

"Manchester Yunayted" darvozaboni Andre Onana "Lans"ga qarshi o'rtoqlik uchrashuvida (3:1) maydon markazidan o'tkazib yuborilgan gol haqida fikr bildirdi.

“Bizda doimo harakat qiladigan narsa bor. Biz yaxshilashga harakat qilishimiz kerak. Bizga qarshi gollar uchun men javobgarman. Himoyachilarimning harakatlaridan faxrlanaman. Ammo men barcha tanqidlarni qabul qilaman ", - deya Onana so'zlarini keltiradi Mirror.

Eslatib o'tamiz, Onana yozgi transfer oynasida "Inter"dan "Manchester Yunayted"ga o'tgan edi. Xabar qilinishicha, “qizil iblislar” Onana transferi uchun Italiya klubiga 55 million evro to'laydi. Kamerunlik darvozabonning "Manchester Yunayted" bilan shartnomasi 2028 yilgacha mo'ljallangan.