«Yuventus» Key-liga jamoasi bilan durang o'ynadi (video)

Mavsumga tayyorgarlik olib borayotgan "Yuventus" klubi Janubiy Koreya Key-ligasi yulduzlar jamoasi bilan o'rtoqlik o'yinini o'tkazdi.

Kutilmaganda, mazkur uchrashuvda "keksa sinora" ancha qiynaldi. Xususan, bahsning 50-daqiqasiga kelib "Yuve" 1:3 hisobida ortda borayotgandi. Turinliklar qolgan daqiqalarda ikkita gol urib, mag'lubiyatdan qutulib qolishdi.

Mauritsio Sarri bu o'yinda Krishtianu Ronaldu va Paulo Dibalani maydonga tushirmadi.

Key-Liga yulduzlari - "Yuventus" - 3:3
Gollar: Osmar, 7 - 1:0, Muratore, 9 - 1:1, Chezinya, 44 - 2:1, Taggart, 50 - 3:1, Matyuidi, 77 - 3:2, Pereyra, 81 - 3:3.
"Yuventus": Shchesnii (Pinsilo, 39; Buffon, 59), Kanselu (Di Pardo, 86), de Ligt, Rugani (Bonuchchi, 59), Beruatto (Kokkolo, 65), Muratore (Pereyra, 72), Pyanich (Rabo, 60), Djan (Matyuidi, 59), Bernardeski, Iguain (Mavididi, 70), Manjukich.