Klublar o'rtasidagi JCh-2019 o'tkazilish muddati aniq bo'ldi

FIFA 2019 yilgi klublar o'rtasidagi jahon chempionatining o'tkazilish muddatni e'lon qildi. Musobaqa shu yilning 11-21 dekabr kunlari oralig'ida o'tkaziladi. Turnirga ilk marta Qatar mamlakati mezbonlik qiladi.

Klublar o'rtasidagi jahon chempionatida ishtirok etadigan 4ta jamoaning nomi aniq bo'lib ulgardi. Bular:

"Liverpul" (Angliya) — Evropa chempionlar ligasi g'olibi;
"Monterrey" (Meksika) — CONCACAF chempionlar ligasi g'olibi;
"Yegen Sport" (Yangi Kaledoniya) — Okeaniya chempionlar ligasi g'olibi;
"As-Sadd" (Qatar) — Qatar chempioni (mezbon)

Avgust oyida Afrika chempionlar ligasi g'olibi aniq bo'ladi. Keyinroq esa ularning safiga Libertadores kubogi va Osiyo chempionlar ligasi g'oliblari qo'shiladi.