«Yuventus» «Tottenxem»ning taklifiga ko'nmadi

Hujumchi Paulo Dibala yozgi transferlar vaqtida “Yuventus”ni tark etishi mumkin.

Xabarlarga qaraganda, argentinalik futbolchi uchun “Tottenxem” 50 mln evro taklif qilgan. Biroq  “keksa sinora” ushbu taklifga rad javobini qaytardi.

Football Italia nashrining xabar berishicha, “Yuventus” Dibalaning transferidan 90 mln evro ishlab olish niyati bor ekan.

Eslatib o'tamiz, “Yuventus” 25 yoshli futbolchini 2015 yil “Palermo”dan 40 mln evro evaziga sotib olgan edi.