Baydarka va kanoechilarimiz jahon chempionatiga yo'l olishdi

28 iyuldan 5 avgustga qadar Ruminiyaning Piteshti shahrida baydarka va kanoeda eshkak eshish bo'yicha 23 yoshgacha bo'lgan sportchilar o'rtasida navbatdagi jahon chempionati bo'lib o'tadi. Mazkur musobaqada O'zbekiston terma jamoasi ham katta tarkib bilan ishtirok etadi.

Delegatsiyamiz bugun Ruminiya safariga jo'nab ketdi. Tarkibdan 19 nafar sportchi va 3 murabbiy joy olgan. Ta'kidlash joiz, ushbu kichik jahon chempionati kelasi oy Tokio Olimpiadasi uchun yo'llanmalar o'ynaladigan kattalar o'rtasida dunyo birinchiligi oldidan o'ziga xos tayyorgarlik vazifasini ham o'tab beradi.